De âldste foto oant no ta, fan De Skâns. Mei tank oan Jan Vink út Ermelo. Dit kranteknipsel datearret fan 1925. Under it kranteknipsel stiet te lêzen :

Krachtige actie wordt gevoerd ter verkrijging van een vlucht- en visschershaven voor het Friesche kustdorpje Oostmahorn aan de Lauwerszee. Z. Exc. de Minister van (Rollema) Waterstaat bracht in dit verband met deze pogingen kort geleden een bezoek aan het dorp en stelde een onderzoek in. Onze foto geeft een fraai beeld van de plaats aan den voet van den dijk.

Lofts achter de figuer ûnder oan de binnenside fan de dyk, is te sjen dat it PTT gebou der noch net stie. Wol liket it der op dat de " bouplak " klear makke wurdt. Dochs liket dat net wier wêze te kinnen. Op Wikipedia is it folgjende te finen oer dat gebou :

Aan de Oostmahorn 15 langs de dijk staat een voormalig versterkerstation van de PTT. Dit geelgeverfde in wederopbouwarchitectuur opgetrokken gebouw in de stijl van een Deense boerderij werd in 1950 gebouwd voor de aanleg van de 240-kilometer lange telefoonkabel door de Noordzee van Nederland naar het Deense eiland Rømø. De technische ruimte van het telefoonkantoor bevond zich op de bovenverdieping. In 1962 verliet de PTT het gebouw.

Fan it libben op De Skâns is om 1940 it boppesteande filmke makke.

De Skâns, lang foardat de Lauwerssee Lauwersmar waard. Foar it oanlizzen fan it Lauwersmar waard in saneamde wûrkhaven oanlein. Dizze wurkhaven lei bûtendyks, sawat lofts fan it wurd "Oostmahorn" op dizze foto. De tagongswei nei de wurkhaven hie op dizze foto dúdlik te sjen west at dizze nei 1965 makke wie. Prominint te sjen is it rêdingshûs, sawat yn it midden fan de foto. Lofts de mêsten fan skepen oan de pier. It paviljoen op de dyk wie der noch net.

Ek dizze foto is hyl âld. Ik kin my net oars heuge as dat der skuorren stienen efter de pleats fan de famylje Jansma. De skuorren binne der hjir noch net. Dizze foto is fan ôf de dyk nommen, met de haven "yn 'e rêch".

Sa kin ik my De Skâns noch goed yn it sin krije, oerladen fol mei auto's fan eielângongers. Dizze foto is ek fan foar 1969, it jier dat de Lauwerssee ôfsluten waard. It paviljoen op 'e dyk stiet der yntusken al

Dizze foto hat kwa âlderdom gjin taljochting nedich. Let op de auto.

It parkearterrein fol mei auto's.  Fan De Skâns rûn in kanaal nei Dokkum. It wite "gebouke" lofts is in wenboat, sjoch ek op oare siden.

De Skâns hie syn eigen benzinepomp, dizze wie fan de fam. Scheepstra. Op de eftergrûn wer ien fan de beide wenboaten, dy´t yn it kanaal leinen.

Wer in âlde foto, sjoen nei de auto. Neffens ús heit is dizze foto fan flak nei de oarloch. De Skâns waard tidens de oarloch besketten troch de Dútsers op Skiermûntseach. It twadde hûs oan de rjochterkant (mei de ljedder tsjin de gevel) is doe troffen troch in granaet. Hjir is it restauraasjewurk yn folle gong.

Waskdroegers koe men noch net, mar tôch gie it droegjen fan de wask yn 'e winter prima, sjoch de wask oan 'e line rjochtsûnder.

Loftsûnder in stikje fan de beide skuorren efter de pleats fan de fam. Jansma, sjoch hjirboppe. Rjochtsboppe is no de wurkhaven te sjen. Hjir waarden de matten flechte op it skeane plato, dy matten waarden ôfsonken as fûnemint foar de "caissons" dy't yn de dyk, dy't de lauwersmar ôfslút, ferwurke binne. De wei nei de wurkhaven dy't op in eardere foto noch net wie, is no wol dúdlik te sjen.

De wurkhaven wie foar ús as bern in prachtige boarterstún.

In part fan 'e ynwenners fan 'e Skâns posearret hjirre by it Krûthûs yn 'e dyk. Dizze foto is fan 1983.