Somtiden stie it wetter yn de Lauwerszee sa heech, dat de fearsteiger op De Skâns ûnder wetter kaam. De reizgers moasten fansels wol fan board. Op de foto’s hjirûnder sjogge jo hoe't dat gie. Op de foto ien fan de fjouwer fearboaten, die ik my heugje kin, dêr't mei fean waard op de feartsjinst De Skâns – Zoutkamp – Skiermûntseach, de Johan Willem Friso. Neist de Schiermonnikoog en de Friso waard destiids noch fean mei De Vooruitgang (bynamme: de banaan) en de Brakzand. 

Op boppesteande foto waarden trije froulju en in hear mei help fan in bagaazjewein op it droege brocht, de wein waard fakkundich bestjoerd troch Jaap van der Wagen. Efter op it skip, mei wiet boesgroentsje en strik ober Ko Huizing. Op it skip stiet nei alle gedachten kaptein Klaas van der Zee, ik kin it net goed sjen, mar dit wie wol de man syn karakteristike lichemshâlding.

Ús heit wist wol hoe't er galant wêze moest. In jonge faam op 'e rêch, koffer yn de hân, en tôgje mar troch dat sâlte wetter. Wêr komme jo dat hjoeddedei noch tsjin.